ci amparavete la strada
è lu gestu aggalabatu
a sera ci addurmintava
a vostra parulla brava
ci amparavete l'onore
u curagiu è lu duvere
à lu fronte lu sudore
è tutte le cose vere
è u tempu và
è u tempu và
è u tempu sà
s'ella mancava una spera
mezu à faccende è bisognu
truvalete la manera
d'un calpighjacci lu sognu
cusì campavete ritti
u vostru viaghju umanu
fermanu l'amori scritti
in lu libru paisanu
è u tempu và
è u tempu và
è u tempu sà