Da e ripe ventose
Di e streme cunfine
Duve lu mare estrosu
Abbatte le so ire
Sin'à li monti interni
A li sproni minacce
Duve li nuli infermi
Appendenu e so bracce
Hè u listessu paese
Ch'accende à li mio sogni
A cuscenza di tè
Da i vechjetti à spassu
D'un tempu impulveritu
Cum'è un ritrattu passu
Più giallu cà culuritu
E da ogni zitella
A l'estru ghjucarinu
Chì per fà fatalella
Azzinga u so pendinu
Da l'avvene piattatu
D'un stracciu da straccià
Chì ne asconde u pattu
Ch'eo devu imaginà
Da l'avvene cumunu
Ch'elli ci anu toltu
S'ellu ne ferma unu
U fruttu serà scioltu